عدم الاطلاع على الصفحة قبل الاجابة على الاختبار النفسي

1 نقطة للجواب الأول / 2 نقاط للثاني / 3 للثالث / 4 للأخير

- ما جاوبت على حتى سؤال على خاطر ها الإختبار ريق فارغ : والله إنت الراجل/مرا

- 20 نقطة : إنت واحد مالإرهابيين إلّي يحبّوا يرجعوا للبلاد... ولكن هيهات

- 35-21 : شاركت في القصبة 2 وشجّعت القصبة 3 ومغروم بقناة المتوسّط، تقرى في Babnet ومنخرط في صفحة ثقّف نفسك،  ومغروم بنشر صور توّرينا فيها قداش تحب بوك وأمك والرسول وربّي، ماكش مغروم بالفن كان الأفلام أكسيون وما تراتي حتى فرصة باش تنقد اليسار وجماعة نداء حتىّ كان تعرف إليّ فمّا برشة حاجات منهم غالطة وديما تحصل في les spams الإباحيّة وتضحك على سيكو سيكو وها النوعيّة متاع الضمار.
ميولاتك نهضاويّة عاطية على المرزوقيّة العبّوويّة

- 51-36 : شاركت في تجمّعات باردو ومغروم بمريم بالقاضي، تقرى في Businessnews ومنخرط في صفحة "وزير ضغط الدم والسكّر"، مغروم بنشر صور توّرينا فيها قداش تحب بورقيبة وبشّار وبوتين، مغروم بالنوبة وأفلام بوغدير وما تراتي حتى فرصة باش تنقد اليسار والخوانجيّة حتىّ كان تعرف إليّ فمّا برشة حاجات منهم غالطة وديما تحصل في les spams الإباحيّة وتضحك على لطفي العبدلي وها النوعيّة متاع الضمار.

ميولاتك نحو اليمينيّة اللا دينيّة

- 65-52 : إنت جعبون، مضروب في روحك وحاسس إلي العالم يدور حولك، ذوقك الفنّي كي المسكوكة، يعجبك أي نوع متاع غناء ولا أفلام، ومغروم بنشر صور توّرينا فيها قداش تحب تكون مختلف على البقيّة وما تراتي حتى فرصة باش تنقد اليسار والخوانجيّة وجماعة نداء وتضحك على جلال بريك وربيع بودن وها النوعيّة متاع الضمار.
ماعندكش لون سياسي محدّد، تنجّم تكون صوّت للتجمّع قبل 2011، للجمهوري في 2011 والجبهة في 2014.

- 79-66 : شاركت في أغلبيّة التجمّعات والمظاهرات حتّى قبل 14 جانفي، ماك مغروم بحتّى قناة وحتّى شخصيّة تونسيّة ما عدى شكري بلعيد، تقرى في كتب صعيبة، وتسكر ديما في بيران وسط العاصمة، تحب تسكّر حسابك الفيسبوكي أما ما تنجّمش ومنخرط في صفحة "وزير ضغط الدم والسكّر"، تتحسّر برشة وناقم مالعباد الكل ومن كل شيء وما تراتي حتى فرصة باش تنقد الخوانجيّة وجماعة نداء واليسار وتضحك على نيتشة وفرويد.

ميولاتك تسعى نحو أقصى اليسار رغم السمارتفون إلي في جيبك

- 80 نقطة : يا حمّة رانا شلقنا بيك


وفي الختام، نحب نقلّك فرامون برافو ليك إلي وسعت بالك وقريت الصفحتين بالكامل